Velkommen innom Nesasjøhuset hjå Ryfylkemuseet, her er det både utstillingar, kafe og butikk. (Foto: Hanna Maria van Zijp)
Ryfylkemuseet
Nesasjøhuset er hovudsetet til Ryfylkemuseet. Huset ligg flott til i Nordenden på den autentiske/idylliske strandstaden Sand. Sand ligg langs Nasjonal Turistvei Ryfylke i Skattkammeret Suldal midt i Ryfylke. Les meir her om Nesasjøhuset.
Sjøhuset blei bygd i dei gode sildeåra kring 1850. Her blei nøter og båtar lagra og silda salta. Seinare har huset vore brukt som tønnefabrikk og til ulike lagerformål. Ryfylkemuseet flytta inn i huset i 1991. Her er det utstillingar, museumsbutikk, ein kafé og ei rekke arrangement gjennom året.
Nordenden 14
4230 Sand
Inkluderande møteplass
På museet har me ein inkluderande møteplass for kunnskap og opplevingar i Suldal og Ryfylke. Barn og unge er eit satsingsområde og dei har alltid gratis inngang til museet sine anlegg. Velkommen! Følg med i kalenderen vår!
Museumsbutikk
I første etasje er det ein flott museumsbutikk med eit godt utval av bøker om bygningsvern, lokalhistorisk litteratur, linoljeprodukt, tradisjonelle og lokale handverksprodukt, leiker, honning og mykje meir. Du kan og bestille nokre av bøkene våre i nettbutikken!
Utstillingar
Kvitebjørnen er ei utstilling for barn, basert på historia skriven av Rasmus Løland på 1800-talet. Elles er det skiftande utstillingar i 2. etasje på Nesasjøhuset i løpet av året. Følg med HER!
